Tuesday, March 13, 2012

తెలుగు తెగులు

ఈ దేశంలో తెలుగు మీద తెగులు 120 సంవత్సరాల క్రితమే ప్రారంభమయింది. ఆ రోజు అది సరదా. ఓ ముచ్చట, గొప్ప. ఇంకా చెప్పాలంటే అభివృద్ధి. కాకపోతే ఇప్పటికీ అదే అభివృద్ధి అని భావించేవాళ్లే ఎక్కువగావున్నారు. అందులో ఈనాడు చదువుచెప్పే పాఠశాలల ప్రిన్సిపాళ్లూ ఉన్నారు. 1890 ప్రాంతంలో రాసిన కన్యాశుల్కంలో గురజాడ అప్పారావు గారు పాత్ర చేత కూడా అనిపించారు. అగ్నిహోత్రావధాన్లు భార్య సుబ్బమ్మ గిరీశాన్ని అడుగుతుంది
పూర్తిగా చదవండి

2 comments:

  1. గురువుగారు,
    ఆ చివరి వాక్యం గుండె పిండేసింది. మీ ప్రతి కాలం లో చివర ఒక గొప్ప లైను వుంటుంది, కానీ ఇక్కడ ఒక గునపం వుంది. మా పాపకు తెలుగు నేర్పుతున్నాం. అక్షరాలు, నుడికారం, వొత్తులు, పదాలు అబ్బాయ్. అమెరికా వుంటూ తెలుగు నేర్పటం మా విధి అని మేం భావిస్తున్నాం. మీరాన్నట్టు, ప్రతి ఇంట్లో పిల్లలతో నిర్బంధంగా తెలుగు మాట్లాడి, నేర్పినా కూడా, ఇలాంటి గునపాలు మయమవుతాయ్. మీ కాలం తో పూర్తిగా ఏకీభవిస్తూ...

    --రమేష్

    ReplyDelete
  2. మారుతిరావుగారికి నమస్కారములు. తెలుగు తెగులు గురించి ఆవేదనగా మీరు వ్రాసిన వ్యాసంలోని ప్రతి అంశమూ సత్యమే. ఆయితే,ఒక్క విషయంలో మాత్రం మీతో ఏకీభవించలేకపోతున్నందుకు నన్ను మీరు నిందిస్తారనుకోను. ఈ మధ్య మన రాజకీయనాయకులు తెలుగు భాషను ప్రోత్సహిస్తున్న తీరు మీరు సరిగా గమనించినట్లులేదనిపిస్తోంది. కేసిఆర్ గారు ప్రాసయుక్తంగా చంద్రబాబుని తిట్టే తిట్లు మన తెలుగుభాషలోనివే. అలాగే, చంద్రబాబుగారి అంతేవాసులు తిరిగి కేసిఆర్ ని వారి అనుచరగణాన్ని తూర్పారబట్టే భాష మన తెలుగు భాషే. మధ్యమధ్యలో కాంగీ నాయకులు తమ తెలుగు భాషా సౌరభాన్ని సంకోచం లేకుండా ప్రకటించేయడం చూసి మురిసిపోవడం, నిస్సిగ్గుగా వాటిని తు.చ. తప్పకుండా ప్రచురించడంలో ఇతోథికంగా మన పత్రికలు చేసే భాషా సేవను మీరు మరిచారు. తెలుగు భాషా సమృధ్ధిత్త్వాన్ని ఇన్నివిధాలుగా మన నాయకులు వినియోగించుకొంటుంటే, మీరు ఇలా తెలుగు భాష త్వరలో మరుగున పడిపోనుందని ప్రకటించడం మాలాంటి పాఠకులకు ఆశానిపాతం. ఇక మన నాయకులు ఒకరినొకరు ఏ భాషలో తిట్టుకొంటారో, అని దిగులేస్తోంది.
    మనలోమాట మారుతిరావు గారూ, ఈ మధ్య "మీకు చిత్తశుధ్ధి ఉంటే", అంటూ మన నాయకులు ఒకరినొకరు పరామర్శించుకొంటున్నారు. నా మట్టి బుర్రకి చిత్తశుధ్ధి అంటే ఏమిటో అర్థమైచావడం లేదు. కొంత వివరిస్తారూ.

    భవదీయుడు,

    మల్లేశ్వరరావు. (www.gayatri-literature.blogspot.com)

    ReplyDelete